Os populares amosaron á presidenta da Comisión de festas, a nacionalista Maite Ferreiro, un documento que onte circulaba por varios grupos de whatsapp para demostrar “a falta de respecto cometida cos membros da comisión” pedindo que constase en acta
O Partido Popular lamenta a falta de respeto do goberno local por difundir onte o programa do San Froilán antes de dalo a coñecer aos integrantes da comisión de festas que se vén de celebrar. Os edis do PP amosaron á presidenta da comisión unha copia do documento que onte circulaba por distintas redes sociais no que se detallaba todas as actuacións que hai previstas patronais.
Ante este feito “inédito na organización das festas” dende o PP solicitaron que constase en acta “a falta de respeto de PSOE e BNG a un órgano de traballo cuxo obxectivo debe ser facer unhas festas de todos e non unhas festas feitas a medida dos gustos dunha parte do goberno”.
“Subiron un grao máis o desprezo aos membros da comisión, intentan xustificar que presentan o programa á vez á Comisión e aos medios pero agora se pasaron da raia”.
Dende o PP insisten en que non hai participación real e que os nacionalistas aplican o rodillo co visto bo da alcaldesa. Dende o PP insisten en que se está actuando a golpe de improvisación e que esta forma de organizar está devaluando a festa patronal dos lucenses.
