O vicevoceiro do Grupo Popular Antonio Ameijide pregunta ao goberno e á Deputación cando van a instalar as 282 luminarias do proxecto de iluminación do Rato que se asinou, hai máis dun ano, entre ambas institucións
O vicevoceiro do Grupo Municipal do Partido Popular considera un “fraude para os lucenses” e “un continuo engano aos usuarios do Parque do Rato” o bloqueo do proxecto integral para mellorar a seguridade e iluminación desta zona de esparcemento.
Ameijide pregunta a alcaldesa cando ten pensado acometer esta actuación xa que “hai pouco máis dun ano (20 de maio de 2015) que se aprobou en, xunta de goberno e fóra da orde do día, un convenio coa Deputación para instalar o alumeado público no parque do Rato”. O vicevoceiro do PP destacou que foi Lara Méndez “sendo vicepresidenta da Diputación a que asinou este compromiso en plena campaña electoral das municipais” lamentado que “as présas que tiveron daquela non se concretasen, e que o proxecto de iluminación sega no aire”. O edil do PP referíase á presentación do proxecto con que se fixo “por todo o alto” na casa do concello na que “non faltou o mínimo detalle con cartelóns explicativos dunha actuación que nin tan sequera foron quen de iniciar”. En total os socialistas anunciaron a colocación de 282 luminarias (143 luminarias, 3 proxectores no paseo e 103 no vial) nun trayecto de 7 quilómetros por un importe de 1,4 euros.
Antonio Ameijide insiste en que se trata dunha intervención “moi demandada polos lucenses” e que o PP a reclamou ata en tres ocasións en pleno. “A primeira foi en decembro de 2011 e non saiu adiante ao rexeitala tanto o PSOE como o BNG; a segunda iniciativa de setembro de 2014 e a terceira proposición de febreiro de 2015 si se aprobaron co apoio dos votos do BNG” lembrou Ameijide.
Á vista da inacción dos socialistas e do reiterado incumprimento dos acordos de pleno dende o Grupo Popular esixen ao goberno de Lara Méndez que tome unha decisión e que se materialice o convenio coa Deputación para instalar o alumeado público do paseo do Rato así como outras actuacións de mellora desta zona de esparcemento.
O vicevoceiro do PP explicou que a iluminación da zona é mínima e que “o único que atopamos son as bases de formigón dos puntos que houbo, nalgún momento, abandonadas” o que reduce o tempo para que os lucenses podan disfrutar desta zona.
Con respecto ao firme da estrada que rodea o paseo é necesaria a súa repavimentación “tamén prometida, dende hai 5 anos, pola Deputación”. “Neste momento o firme presenta un estado de desgaste moi acusado, con socavóns e blandóns, provocando problemas de falla de agarre e deslizamentos dos vehículos”, indicou Ameijide. O concelleiro popular urxe a que se acometa esta intervención “tendo en conta que, nesta vía, se incrementou o tráfico xa que é un dos accesos que se utilizan para achegarse ata o HULA”. De feito, a intensidade por esta estrada multiplicouse por sete trala entrada en funcionamento do centro sanitario, ao pasar dunha media de 650 vehículos diarios a 4.500.
Os populares tamén alertan da necesaria limpeza do cauce que está invadido pola maleza. Ameijide explicou que o abandono que presenta o cauce provoca malos olores en verán e crecidas no inverno que provocan inundacións arranstrando o pavimento dos sendeiros.
