O Partido Popular quere expresar o seu malestar polo incumprimento do acordo plenario de marzo de 2014 con respecto a instalación dun circo con animais en Augas Férreas.
A concelleira do Partido Popular lamentou que o goberno local eluda a súa responsabilidade xa que tiveron máis de dous anos para concretar e incluir nas ordenanzas este acordo recriminándolles que “por comodidade deixaran portas abertas para poder botar balóns fóra e culpar a outras administracións”.
O Partido Popular critica que os socialistas de Lugo vendan fume con respecto ao benestar animal en vez de ter posto en práctica as súas competencias. Ana López refírese á exposición de reptis vivos que estivo varios días na cidade “unha mostra que non foi tan mediática como o caso do circo pero o fondo era o mesmo”.
