- Ramón Cabarcos expresou o seu escepticismo respeto á contratación dun Director Xeral de Urbanismo “polo que os lucenses pagamos máis de 74.000 €, aclarando que desconfiamos que a súa presenza vaia a solucionar o atasco de expedientes e resolver cuestións fundamentais para que Lugo sexa un lugar atractivo para investir”
- Os populares sosteñen que “en vez de contratar a un axente político existen outros mecanismos para mellorar a xestión municipal e un deles é cubrir a xefatura de licenzas ou sacar a praza da xefatura de arquitectura que está cuberta de forma provisional”.
MARTES 27 DE FEBREIRO DE 2024
Neste contexto de crise deste departamento municipal a Mesa de Traballo de Urbanismo do PP, presentou un DECÁLOGO DE OBXECTIVOS PARA MELLORAR a situación crítica de urbanismo.
- Atención áxil e presencial, para técnicos e particulares, nos servizos de urbanismo
- Axilizade no informe e resolución das licenzas (0 expedientes nas 3 derradeiras xuntas de goberno e 5 no que va de ano)
- Revisión de erros e actualizacións do planeamento maior (PXOM, PEPRI, Plans Parciais coma o PERI-6 ou Louzaneta…)
- Desenvolvemento do planeamento menor (UAs do PXOM, UIs do PEPRI…).
- Adaptacións da lexislación ás novas normativas (Normas de Habitabilidade, Lei do Solo; Lei do Patrimonio Cultural…)
- Tramitacións de Plans Especiais de Ordenación de Núcleos Rurais con edificabilidade esgotada ou camiño delo.
- Promoción da rehabilitación e obra nova residencial a través do EVISLUSA.
- Actualización do inventario de camiños e bens inmobles municipais
- Redacción de ordenanzas obsoletas (Accesibilidade, Acústica…), deficientes (Licenzas) ou inexistentes (Publicidade ou Estética Urbana.
- Xestión do patrimonio arqueolóxico e cultural, do rueiro, a rehabilitación e a mobilidade do centro histórico.
