O voceiro do Grupo Municipal do PP Ramón Carballo explica que tanto Méndez como Arroxo tiveron que rectificar e aceptar a proposta do Partido Popular, consistente en anular as taxas cobradas indebidamente e liquidalas de novo repartindo o consumo total do ano entre os catro trimestres
A presión exercida dende o Grupo Municipal do Partido Popular o goberno local viuse na obriga de revisar todas as reclamacións dos recibos da auga por cobros excesivos e están a comunicar aos lucenses que devolvan os recibos que presentan cobros indebidos para poder realizar recalcular os consumos.
Ramón Carballo recorda que dende o Grupo Popular xa se levan varios meses axudando aos lucenses a realizar as reclamacións oportunas ante os cobros indebidos e pese a que algún concelleiro do goberno tentou desprestixiar esta axuda aos veciños cualificando de “oficina tenderete” o lugar no que se atendían as reclamacións, vemos como “non lles quedou outra que recuar” e tomar o camiño sinalado polo Grupo Popular: “recalcular os recibos para cobrar a auga ao prezo que corresponde”.
O popular recrimina que tanto o PSOE como o BNG tiveron tempo suficiente para reaccionar, pero non o fixeron ata que se acumularon demasiadas reclamacións ante “o atraco” que tentaban perpetrar aos lucenses. Destaca o popular que a maior parte das reclamacións que se presentaron ante a comisión de queixas e suxestións foron por cobros excesivos nos recibos da auga, chegando algún mes a ser o 91% das peticións sobre esta problemática de facturas sobredimensionadas, moitas delas ademais sen resposta e xa fóra de prazo para dar unha solución aos veciños.
Dende o PP xa se levaban varios meses advertindo de que se podería producir esta situación polo desmantelamento do servizo de augas por parte do PSOE o que provocou unha saturación do persoal, que se viu incapaz de abarcar o traballo e a lectura correcta dos contadores e que, posteriormente, derivou a nunha avalancha de reclamacións.
Top3 de concelleiros con máis queixas
Na comisión de queixas e suxestións de hoxe tamén se abordou o resumo das queixas presentadas durante o ano 2020, un informe que deixa datos moi reveladores, como que Lara Méndez, Rubén Arroxo e Álvaro Santos son os concelleiros que máis queixas reciben por parte dos lucenses.
- Álvaro Santos: 52
- Rubén Arroxo: 48
- Lara Méndez: 34
Explica Carballo que queda claro cales son os concelleiros que máis problemas xeran aos lucenses e “lonxe darlles solucións vemos como o que fan é complicar aínda máis a vida á cidadanía”. Ademais, estes tres concelleiros son os que máis reclamacións deixaron sen contestar ao peche do ano, tendo Santos 11 sen respostar, Arroxo 10 e Méndez unha reclamación.
