O Partido Popular defenderá 4 enmendas á Ordenanza de saca de madeira co ánimo de mellorar esta normativa. Os populares queren que se modifique o artigo 5 co obxecto de matizar a súa redacción reclamando que “a limitación que pode estipular o concello para circulación de madeira por calquera das vías ou zonas públicas indicadas nas solicitudes, tendo en conta circunstancias como resistencia e estado do firme, pistas de terra en momentos de moita choiva, ubicación … se engada a obriga do goberno local de ofrecer, se a denegación se alonga máis tres meses no tempo unha alternativa de paso para defender os intereses dos veciños”.
Outro aspecto que tamén solicitan corrixir é o relativo á valoración da gravidade das infracións xa que tal e como está redactada a ordenanza se penaliza en función da capacidade económica do infractor. Para o PP hai que eliminar este aspecto xa que é un sen sentido que se multe aos veciños en función dos seus ingresos e podería supor unha ilegalidade.
Os populares tamén suxiren varias correcións na redación por erros dalgún término inexacto desta ordenanza de saca.
