O Partido Popular conseguiu o apoio do resto dos grupos da corporación para levar a cabo un estudo do tráfico na Praza de Augas Férreas co obxecto de ampliar o número de prazas de aparcamento.
Na Praza de Augas Férreas e nas súas inmediacións hai serias dificultades para estacionar os vehículos, debido ás numerosas vivendas e negocios que fan desta zona da cidade unha das máis dinámicas, con gran movemento de vehículos e poboación.
Algunhas vías nesta zona da cidade son unidireccionais e contan con dous carrís de circulación no mesmo sentido, como no caso das rúas Cantigas e Flores e Círculo das Artes, o que permite estudar a posibilidade de empregar ambas marxes da rúa como aparcadoiro en línea.
Parece unha solución razoable, máis aínda se temos en conta que non se trata dunha zona complicada en canto ás retencións e intensidade de tráfico e así gañaríase numerosas prazas de estacionamento na zona.
Outras alternativas dirixidas á ampliación das prazas de estacionamento sería a través da eliminación dun dos carrís de circulación e transformando unha das bandas de estacionamento nun espazo de aparcadoiro en batería ou en ángulo, en rúas como Rafael Dieste ou Camilo José Cela. Esta solución é similar á exposta polo Grupo Municipal do PP non contorno do HULA a cal foi rexeitada polo PSOE e o BNG no Pleno celebrado o 6 de maio de 2013, aínda que posteriormente foi executada polo equipo de goberno.
Por outra banda sería adecuada estudar a creación de zonas de estacionamento de motos e bicicletas, así como deseñar alternativas para incrementar o número de estacionamentos na propia Praza de Augas Férreas.
Por todo elo o Grupo Municipal do Partido Popular considera de interese municipal que o Pleno da Corporación Municipal ACORDE:
Instar ao Goberno Municipal a que realice un estudo de tráfico do contorno da Praza de Augas Férreas, que avalíe as posibilidades para aumentar o estacionamento na zona e as opcións de implantar prazas de aparcadoiro en batería e novos carrís de estacionamento en línea.
