XOVES 2 DE MAIO 2024
- O vicevoceiro popular Enrique Rozas considera “decepcionante” ver como o PSOE ignora as necesidades básicas do Grupo Popular incluso despois de que se presentase unha solicitude formal para mellorar as condicións de traballo
- Os populares lembran que hai un informe do servizo de riscos laborais no que, tras inspeccionar as dependencias asignadas para os 3 traballadores e os 12 edis do PP, se indica que “se obtiveron valores fóra do rango establecido legalmente pola superficie libre por traballador”
- É unha falta de respeto que despois de solicitar formalmente, o pasado 5 de abril o local contigüo da Casa do Concello onde antes estaban as oficinas do Edusi para gañar espazo, a resposta do goberno local sexa asignar este local para os seus.
- O popular tamén lembra como tampouco contestaron á petición feita o 8 de setembro solicitando material básico de oficina para a agrupación local.
- Para Rozas é unha hipocresía política que o PSOE participe en manifestacións e se coloque tralas pancartas pedindo trato digno aos traballadores cando, en cuestións da súa competencia, permiten que traballadores estean en locais mal climatizados, coa pintura caendo das paredes e con espazos mínimos para desenvolver o seu traballo diario”.
