O PP lamenta que PSOE e BNG perdan a oportunidade de tranquilizar ás familias da gardería Gregorio Sanz ao vetar a comparecencia que pedimos para aclarar o conflicto laboral deste servizo municipal.
É insultante que se neguen a dar explicacións, o lóxico sería que non tiveramos nin que pedir esta comparecencia. Se tivesen a conciencia tranquila de ter feito todo o que estivo na súa man xa terían saido públicamente a explicar o que ocorreu neste servizo municipal.
A transparencia é clave. Seguiremos a traballar para que se dean as explicacións que os lucenses merecen.
Queremos lembrar que este caso afecta tanto ao PSOE como ao BNG: Aos nacionalistas porque as escolas infantís son responsabilidade da súa área de goberno, pero como sempre están ausentes e se poñen de perfil nos asuntos importantes para os lucenses. No caso dos socialistas a xestión do persoal é competencia súa: Todos coñecían a problemática, pero ningún fixo nada.
