Desde agosto, a Casa da Muller de Lugo está sen psicólogo, un servizo clave para ofrecer apoio e atención ás mulleres vítimas de violencia de xénero. A situación agravouse en setembro coa xubilación do avogado especialista, posto que tampouco se cubriu ata o momento cando ambas prazas figuran na Relación de Postos de Traballo (RPT) do Concello.
Esta falta de previsión contrasta coa rapidez coa que socialistas e nacionalistas recorren a contratos menores para servizos como socorristas e vixilancia nas Caldas, ou por exemplo a renovación da seguridade das instalacións muncipais que se contratou con esta fórmula nada máis rematar o anterior contrato.
Desde o PP esixen ao goberno local que poña fin a esta situación e garanta os recursos humanos necesarios para que a Casa da Muller poida ofrecer unha atención integral e continuada. As políticas públicas de igualdade deben traducirse en feitos reais, non en promesas baleiras.
