A concelleira do PP Mari Teijeiro lamenta que haxa persoas con dependencia que queden sen a prestación do SAF porque os socialistas non consomen o total das 9.496 horas mensuais do SAF que lles concede a Xunta
O Grupo Popular acusa ao goberno local de “obstaculizar, en vez de acelerar” a lista de espera dos lucenses que solicitan axuda no fogar por dependencia. A edil considera unha irresponsabilidade que, de forma sistemática, se deixen sen gastar entre 400 a 800 horas mensuais cando a lista de espera do SAF neste mes de maio alcanzou os 186 veciños.
Para edil do PP “é inxustificable este desprezo e esta forma de xestionar un servizo tan importante coma este” matizando sobre todo “cando hai persoas en lista de espera que precisan desta axuda para mellorar a súa autonomía”.
Teijeiro urxiu aos socialistas a que recapaciten sobre o número de horas que deixan sen consumir “por consideralo moi elevado”. A popular manifestou que se ben “é sensato deixar algunhas disponibles, por si hai que atender algunha emerxencia, é igual de insensato deixar sen consumir, de forma periódica, unha porcentaxe delas de case un 10%”. A popular considera que “esta política de xestión é un despropósito e que non se axusta á realidade sobre todo cando se está deixando de prestar un servizo deste tipo”.
A popular pide aos socialistas que aceleren a lista de espera do SAF xa que “no vindeiro mes de xuño o Concello de Lugo contará con 3.000 horas máis que se sumarán ao paquete mensual que Lugo ten asignado”. Das actuais 9.496 horas ao mes para axuda a domicilio pasaremos ás 12.496 horas mensuais, indicou Teijeiro. A concelleira do PP Mari Teijeiro lamentou que “tendo os medios humanos e económicos para mellorar e axilizar esta prestación, de forma inexplicable, os socialistas deciden non consumir o total das horas mensuais do SAF que vén concedendo a Xunta”.
Teijeiro estima que con esta nova asignación e deixando un mínimo de horas sen consumir se reduciría nun 30% a lista de espera”. A popular fixo este cálculo tendo en conta as 70 horas ao mes que como máximo se conceden a grandes dependentes pola prestación do SAF.
“Xa non hai disculpas para axilizar a lista de espera e ofrecer esta axuda o máis axiña posible aos vecinos que a demandan” concluiu a edil popular.
