A concelleira Mari Teijeiro lamenta a “falta de axilidade” na formalización da cesión dos terreos para facer esta dotación xa que noutras cidades, beneficiadas por este mesmo convenio, como en A Coruña, o Ferrol e Melide, as garderías xa funcionan este curso académico, e en Santiago e Ourense, están en construción”
O Grupo Municipal do Partido Popular de Lugo valorou de forma positiva que “tras cinco anos do anuncio do convenio entre a Xunta e a Fundación Amancio Ortega para financiar 9 Escolas Infantiles en Galicia, por fin, o goberno socialista anuncia hoxe a cesión da parcela onde se prevé construir a nova gardería en Lugo”.
A edil popular Maria Teijeiro lamentou a lentitude coa que se tramitou este expediente ironizando que “se esta é a celeridade coa que se traballa con proxectos prioritarios e servizos esenciais, como e en que prazos resolverán outras cuestións”.
Os populares indicaron que noutras cidades adheridas a este convenio, como A Coruña, Ferrol ou Melide, xa se executaron as obras no mandato anterior e neste curso académico as Escolas Infantís xa están funcionando. Noutras cidades, como Santiago e Ourense están xa construído as súas respectivas Escolas Infantis; e en Arteixo xa está prácticamente rematada a obra polo que “quedan totalmente descolgadas as dotacións de Lugo e Vigo”.
Os populares lembran que no ano 2012, se asinou o convenio de colaboración da Xunta con esta institución privada para construir 9 escolas infantís en Galicia, criticando que “o goberno socialista malia que leva prometendo, campaña tras campaña, esta dotación estivese anos agardando, tanto tempo, para ceder os terreos necesarios para a súa execución”. “A despreocupación e a falta de proxecto de cidade priva, desta volta, aos nenos e nenas de Lugo de estar xa gozando desta da nova gardería”, concluiu a concelleira popular.
