Os populares ven moi necesario modificar a normativa estatal para poder defender a propiedade privada fronte a aqueles que teñen na ocupación o seu modo de vida e que xera graves problemas de seguridade naquelas zonas nas que se producen estas usurpacións de domicilios
No PP explican a modificación lexislativa que afecta á ocupación de baixa intensidade de vivenda xa que se eliminan as sancións que había por ocupación de vivenda de baixa intensidade polas que se impoñía unha sanción cando o ocupa permanecía na vivenda un día ou dous sen supoñer infracción penal; retirando agora esas sancións da lei.
No Grupo Municipal Popular defenden esta modificación para poñer freo aos graves problemas de seguridade e de convivencia que se están a producir en diferentes barrios da cidade, principalmente na Milagrosa, froita da ocupación ilegal de vivendas.
Os populares lamentan que a alcaldesa de Lugo “en vez de loitar contra a ocupación a siga amparando”, lembrando como “nos chamaron alarmistas por pedir solucións para frear o efecto chamada das ocupacións” pero agora vese “como a veciñanza da Milagrosa, non aguanta máis polo que non lles queda máis remedio, no goberno local, que recoñecer o problema”.
Os populares lémbranlle á alcaldesa que, en lugar de “escorrer o bulto culpando a Xunta do problema”, emprega todos os instrumentos municipais que ten ao seu alcance para a persoas vulnerables “como son as partidas de Emerxencia Social”, reiterándolle a necesidade de ampliar a súa contía para axudar a todos os que o precisan.
No PP recordan como a criminalidade aumentou en Lugo nun 8%, polo que é imprescindible aumentar a presenza policial na rúa e contar con máis efectivos policiais tanto na Policía Local, corpo no que en 2023 xubilaranse 8 axentes quedando so con 96 efectivos; mentres que o Goberno central so destina dous novos efectivos ao corpo da Policía Nacional.
