Elena Candia: “abrir este espazo suporá unha mellora importante
para a mobilidade na cidade e estamos convencidos de que, coa
colaboración de todas as partes, este trámite pode resolverse con
axilidade” lembrando que “deste xeito dáse cumprimento á
vontade que se expresou de xeito unánime polo pleno municipal
de setembro”.
O Grupo Municipal Popular de Lugo solicita a convocatoria da Xunta
Local de Seguridade no prazo máis breve posible para aprobar o
convenio entre o Concello de Lugo e a Xunta de Galicia que permitirá a
apertura do aparcadoiro do IES Virxe dos Ollos Grandes en horario
compatible coa actividade lectiva.
O 26 de setembro acadouse un acordo unánime no pleno do concello
de Lugo no que se indicaba a necesidade deste convenio para abrir este
espazo ao público pero tiveron que pasar CATRO MESES para que o
concello enviase á Xunta este documento (o borrador do convenio
enviouse o 23 de xaneiro). En sete días a administración autonómica
constestoulles remitindo ao Concello, o pasado 31 de xaneiro, o
documento coas modificacións pertinentes, para facilitar a súa
tramitación e aprobación.
A existencia deste convenio é un paso fundamental para garantir a
seguridade xurídica deste espazo para que se poida utilizar fóra do
horario lectivo. PSOE e BNG anunciaron que a aprobación deste
documento tiña que contar coa validación da xunta local de seguridade
e, por ese motivo, reclamamos hoxe por escrito nunha carta dirixida
tanto a socialistas como nacionalistas a súa convocatoria.
Os populares destacan a importancia de seguir avanzando en proxectos
que redunden no beneficio dos lucenses e manifestan a súa total
disposición para colaborar na axilización deste proceso lembrando que
con esta infraestrutura se ampliarán as prazas de estacionamento
dispoñibles nunha zona de alta demanda.
