O vicevoceiro popular Antonio Ameijide criticou a negativa dos socialistas a incorporar neste polémico pliego a esixencia aos aspirantes de “ter experiencia hostaleira así como de establecer unha garantía provisional que asegure o funcionamento deste servizo”
O Grupo Municipal do Partido Popular critica a cerrazón da alcaldesa por negarse a cambiar o prego de condicións para a adxudicación das casetas do San Froilán “é un erro que non se ligue o caldeiro á caseta ou que non se requira experiencia hosteleira que asegure a calidade do servizo”.
O vicevoceiro popular insistiu en que, tal e como están as bases que presentan os socialistas “o único que se favorece é a especulación”. Antonio Ameijide aludiu as situacións esperpénticas que provocan as súas decisións como son “a vivida nas pasadas festas ou que ,agora a catro meses das patronais, estemos agardando a que o goberno readxudique as dúas casetas e dous caldeiros que quedaron desertos logo de que a empresa, que tiña a concesión, non cumprise o contrato”.
Na comisión de festas celebrada esta mañá Ameijide pediu que constasen en acta varias modificacións “solicitar unha garantía provisional aos participantes para o cumprimento das ofertas por parte das firmas que se presenten; unir a explotación do caldeiro á caseta e por riba de todo esixir experiencia ou coñemento no sector hostaleiro”.
Ameijide lembrou que o seu grupo, dende o primeiro momento, discrepou coa forma coa que se adxudicaron as casetas do polbo lamentando que “afecte de cheo á imaxe dun dos principais reclamos das festas”.
Dende o Grupo Popular instan ao goberno local a consensuar o máximo posible a programación das festas xa que “deberían ofertar unha programación á altura dunha capital de provincia primando a calidade antes que á cantidade”. Os populares insisten en que “hai que planificar o máximo posible para evitar improvisacións e parches de última hora e sobre todo para garantir a difusión, con tempo, de concertos e actividades”.
