Os populares defenden que os parques do Miño e do Rato son un dos maiores orgullos da cidade e o PSOE e o BNG, coa escusa do diñeiro, aproveitan para seguir sin pechar este cinto verde, mentres dilapidan cartos no carril bici
O equipo de goberno ten riba da mesa dende hai dous anos unha petición dos propietarios das fincas da Tolda para que o Concello llas expropie ou permute e así se poda unir o Paseo do Miño co do Rato conseguindo pechar o anel verde da cidade. Un proxecto que se debería complementar cun plan estratéxico de mantenemento e creación de sendeiros biosaudables con panéis informativos, algo que require que se incrementen os esforzos para manter os camiños interiores e o mobiliario do parque periurbano.
No obxectivo de promover a actividade turística da nosa cidade e de facer unha cidade “amigable” para os seus veciños, fanse precisas accións ambiciosas que fomenten as zonas verdes e o seu uso e disfrute por parte dos cidadáns. A aposta por crear un corredor verde asociado a un eixe de mobilidade peonil serviría para interconectar os parques e enlazar o cinto verde de Lugo.
Para este proxecto faise preciso a adquisición dos aprox 39.000 m2 na confluencia de A Tolda co fin do paseo do Miño á altura da UNED e ca N-VI. Esta extensión é necesaria para completar o anel verde que comunica o Paseo do Rato e o do Miño, o que conlevaría unha infraestrutura ambiciosa e que cun custo máis que razoable que impulsaría de xeito importante as zonas verdes da nosa cidade tras moitos anos se engadir nin un metro cadrado aos parques e paseos fluviais de Lugo.
Por todo isto o Grupo Municipal do Partido Popular, que subscribe esta proposición, propón unir os esforzos de todos e considera de interese municipal que o Pleno da Corporación Municipal acorde:
- Iniciar de xeito inmediato os trámites precisos para a adquisición dos terreos necesarios para a unión íntegra dos parque do Río Miño e Rato coa finalidade de conquerir un corredor verde que supoña unha unión real, cómoda, segura, rápida e accesible entre ditos parques.
