O voceiro popular Ramón Carballo invita aos socialistas a votar a favor da iniciativa que levan mañá ao pleno para poñer fin as okupacións ilegais de vivendas e asegura estar á espectativa do que suceda mañá no concello
O Partido Popular defenderá no vindeiro pleno tres iniciativas a primeira delas ten que ver coa problemática dos okupas na que solicitan a unanimidade do pleno para solicitar ao Goberno Central poñer fin a ocupacións ilegais de vivendas en 24 horas.
Ramón Carballo agarda que logo da “repentina promesa do PSOE” de que van desaloxar aos okupas en 48 horas, o lóxico é que respalde a proposición que levamos mañá ao pleno.
O voceiro popular pregúntase de forma irónica “como deben estar os sondeos que manexa o PSOE para cambiar, agora, de forma radical de opinión”. “O nerviosismo tamén está provocar que a propia alcaldesa de Lugo se comprometa coa cidadanía a prestar asesoramento aos afectados copiando a proposta que o Grupo Municipal leva facendo dende hai anos e a cal ela votou, de forma sistematica, en contra”.
Para Carballo “este cambio de actitude reflexa a categoría de cada quen, e quen traballa só en clave electoral”.
Os populares lembran como a proposta dos socialistas, de hai uns días, para que se faga unha modificación lexistlativa para desaloxar aos okupas nun máximo de 48 horas dende que o pide o propietario ou se recibe o atestado policial estaba recollida no plan antiokupación de Pablo Casado do ano 2020.
A segunda proposición ten que ver coa mellora das conexións de Lugo. Os populares lamentan o “conformismo e a pleitesía da alcaldesa de Lugo con Pedro Sánchez” e arremeten contra “o retraso en infraestructuras clave para Lugo como son a A-54 polo que reclaman que se priorice a súa finalización”.
Os populares esperan que a alcaldesa de Lugo vote a favor desta iniciativa e lle pide que aplique co goberno de Madrid a mesma intensidade de presión que demostra coa Xunta de Galicia á hora de reclamar infraestructuras para o concello.
Carballo resumía que “o único transporte decente que ten a cidadanía de Lugo para comunicarse co resto de Galicia e do Estado é por carretera xa que, neste momento, temos a A-6 cortada, a A-54 parada (Lugo-Santiago) e da A-56 non sabemos nada”.
Axenda cultural única
A terceira proposición que defenderán os populares ten que ver coa necesidade de que Lugo conte cunha axenda cultural en coordinación con outras administracións e entidades culturais do municipio para evitar contraprogramacións ou solapamentos.
