O Grupo Municipal do Partido Popular pide o pronunciamento da corporación en contra desta lei pola que hoxe quedou en liberdade o coñecido como ‘violador do portal’, que actuou na zona centro e sur de Lugo en 2016, que agora se beneficia desta lei impulsada polo goberno de Pedro Sánchez
A Lei de garantía da liberdade sexual, coñecida como a ‘Lei do só si é si’, vén de facilitar a posta en liberdade do coñecido como ‘violador do portal, un agresor sexual que actuou na zona centro e sur de Lugo en 2016, cando abusou dunha muller en Lugo e tentouno con outra pero que conseguiu escapar.
O Grupo Popular manifestou que coa posta en liberdade desta persoa xa son 470 os violadores e agresores sexuais os que se benefician da rebaixa das penas da a ‘Lei do só si é si’. “Pedimos á alcaldesa que se poña na pel das vítimas deste agresor e apoie a iniciativa que levamos a pleno”, afirman.
Para os concelleiros populares “non se trata dunha reivindicación dunha cor política. É de sentido común que todos unamos a nosa voz para reformar a lei e evitar que agresores sexuais vexan reducidas as súas penas porque trátase de defender ás vítimas, non aos agresores”.
