O vicevoceiro popular Antonio Ameijide afirma que “a recente externalización do mantemento das fontes públicas confirma o afán dos socialistas por seguir privatizando servizos” quen lembrou que “hai un ano tamén eliminaron a brigada de sanamento encargada da limpeza dos sumidoiros”
O vicevoceiro do Grupo Popular afirma que os socialistas de Lugo seguen “na súa teima de privatizar servicios municipais que se poderían xestionar dende o propio concello”. Antonio Ameijide desvelou que unha das últimas prestacións que se externalizou en Lugo foi a da limpeza, conservación e mantemento das 8 fontes ornamentais que hai no casco urbano”. Os populares entenden que a brigada de obras, que na actualidade está formada por 8 operarios e 2 traballadores eventuais, que rematan este mes o seu contrato, realizaba de forma eficiente este traballo.
Os populares lamentan que os socialistas aposten por “duplicar gastos en vez de reforzar o servizo” lembrando que poderían ampliar o cadro de persoal incorporando aos 4 operarios que quedaron sen funcións na vella potabilizadora cando entrou a funcionar a nova planta”. O popular reflexionou que non se entende que os socialistas estén despilfarrando máis de 100.000 € nun persoal que está sen funcións”.
O contrato para o mantemento das fontes asinouse en xullo por un importe de 35.323 € anuais e ten un prazo de vixencia dun ano, prorrogable para outro ano máis. Ata o de agora era a brigada de augas a que se encargaba desta tarefa realizando o mantemento integral das fontes da Medusa (Garabolos); Cibernética (Fonte dos Ranchos); a Fonte dos Leóns (Praza de Avilés); a de Augas Férreas; a fonte das Rás (Xardíns García Morato); Praza do Campo e a da Pinguela na rinconada do Miño.
Os populares defenden “a capacidade e a profesionalidade” desta brigada municipal e, de feito, sempre apostaron por mellorar as súas condicións de traballo. Na actualidade o servizo conta con 10 operarios (dous deles acaban o contrato este mes) que atenden as 24 horas o servizo de augas da cidade así como o mantemento de todas as dependencias municipais”.
Ameijide lamenta que os socialistas se empeñen en desmantelar paulatinamente o servizo de augas que consideran se podería xestionar con recursos propios. Nesa liña Ameijide lembrou como “grazas ao Partido Popular se comprou a cabina especial para manipular as tuberías de fibrocemento evitando, así ,ter que recorrer a empresas externas cada vez que se producía unha fuga nunha canalización, o que multiplicaba os costes de reparación e retrasaba a solución das avarías”.
O popular lembrou que hai pouco máis dun ano, o 13 de setembro de 2015, o goberno local eliminaba a brigada de saneamento encargada da limpeza dos sumidoiros”. Ameijide explicou que coa xubilación do último encargado se daba carpetazo a este equipo”.
Nos últimos anos o ciclo da auga está a supor un desembolso moi elevado xa que estamos pagando a Gestauga pola xestión da estación de tratamento e de auga potable entorno a 4.5 €. A privatización do primeiro servizo foi en 2009, e no segundo, dende 1999. Ameijide recriminou que a día de hoxe se descoñece cal é o modelo de xestión polo que van a optar os socialistas lucenses .
