Dende o PP manifestan a súa preocupación polo pasotismo do goberno diante deste caso “se ben os problemas de filtracións empezaron no ano 2000, a situación agravouse en marzo de 2022 xa que en vez de reparar a cuberta para solucionar os problemas de filtracións de auga a retiraban por completo”.
De feito as persoas que residían no segundo andar víronse obrigadas a abandonar o seu fogar, e no primerio as condicións son paupérrimas con desconchados e humidades en todos os cuartos convertindo este espazo nun lugar insalubre e inhabitable.
A situación na que está este inmoble ademáis de afectar ás persoas que viven no edificio, está a supor un risco para os peóns polos desprendementos de cascallos á vía pública poñendo en perigo a peóns e vehículos.
O concelleiro popular Antonio Ameijide considera que o goberno local non está actuando con contundencia xa que “a pesar dos sucesivos requerimentos, a administración local se limitou a impoñer multas coercitivas para cubrir o expediente sen dar unha solución ás familias afectadas”.
Por este motivo o Grupo Popular presentará un rogo para que o Concello execute de forma subsidiaria a cuberta do número 24 dun inmoble da Avenida de A Coruña.
Hai que ter en conta que neste edificio o tellado e o dereito de voo pertence aos donos do terceiro andar por iso non pode actuar a comunidade e así figura na escritura
A administración municipal pode e debe acudir á execución subsidiaria tal e como se contempla na lexislación vixente para dar cumprimento e garantir o deber dos propietarios de conservación das súas propiedades, xa que o Concello, entre as súas competencias, debe velar para que as edificacións cumpran unhas mínimas condicións de seguridade, salubridade, estética…
