Os concelleiros do Grupo Municipal do Partido Popular piden que se mellore o mantemento do campo de fútbol municipal de Nadela xa que na actualidade esta dotación deportiva está abandonada e infrautilizada.
Os concelleiros populares aseguran que “en vez dunha zona deportiva este campo se converteu nunha zona de pasto de cabalos” tal e como denuncian os veciños da zona”. Óscar Poy ironizaba se “este será o novo método de desbroce ecolóxico do Green Vancouver que promove a alcaldesa de Lugo como atractivo turístico do seu modelo de cidade”
Os populares explican que “tendo en conta que a demanda de instalacións deportivas en Lugo é superior á oferta que hai non se entende como o goberno local non se ocupa das dependencias que son da súa propiedade”. Poy aclara que “no caso de estar en boas condicións, podería poñerse a disposición de todos os clubs deportivos da cidade e dos usuarios a título particular”.
