O PP pide ao goberno local máis medios para policía local co obxecto de que os axentes teñan un apoio rápido para afrontar sucesos como o do pasado sábado nas costas do parque. Durante as fins de semana en Lugo adoita haber 3 patrullas a pé de rúa para dar cobertura a unha cidade como Lugo polo que cremos necesario que se debe facer un esforzo para reforzar o cadro de persoal e conseguir unha maior presenza policial.
Os populares aseguran que “neste momento hai unha proliferación de botellóns en distintas ubicacións da cidade como as costas do parque, o parque Marcos Cela, o anfiteatro do Campus a zona do Carme … etc polo que cren que é máis necesario que nunca a coordinación entre as distintas forzas de seguridade”.
Os populares instan ao goberno local a dar os pasos necesarios para cumprir a ratio recomendada pola Unión Europea de “1,8 agentes por cada 1.000 habitantes”. Neste momento o cadro de persoal da policía local é de aproximadamente120 axentes fronte aos 180 que tiña que ter para dar servizo a un municipio como Lugo.
