O Boletín Oficial da Provincia publica hoxe o anuncio para presentar achegas á ordenanza que regulará as Zonas de Baixas Emisións en Lugo cuxo prazo remata o 10 de decembro
- O Grupo Municipal lamenta as formas coas que se desenvolve esta consulta e se compromete a facilitar á veciñanza e aos colectivos afectados a documentación da que dispoñen lembrando “que existe un estudo que se encargou en 2022 para deseñar as medidas para as ZBE e polo que se pagaron 47.795€”
- Os populares tamén se preguntan se o BNG presentará alegacións á esta ordenanza na liña do decreto de maio de 2024 no que restrinxía a circulación de vehículos de máis de 3.500 KG sen dar alternativas
- O PP xa fixo o pasado 16 de outubro propostas para mellorar a mobidade segmentadas tendo en conta as necesidades de diferentes usuarios. Podes consultala no seguinte enlace: https://www.ppdelugo.com/o-pp-presenta-propostas-para-mellorar-a-mobilidade-no-casco-historico-de-lugo-e-divide-as-alternativas-en-seis-paquetes-dependendo-do-perfil-dos-usuarios/
- O PP, que convocará aos colectivos afectados para recoller propostas, asegura que “a pésima xestión desta ordenanza non lle vai sair gratis os lucenses: de momento xa se gastaron preto de 50.000 € nun informe que ocultan dende o ano 2022 e ao que tivemos acceso con censura “sen darnos copia e véndoo nunha pantalla baixo a vixilancia de funcionarios”
- Este é un novo exemplo de derroche, mentres o goberno local sobe os impostos a veciñanza sofre os inconvintes das obras do centro, a incerteza de cómo planificarán a circulación no recinto amurallado, as perdas de facturación, as caídas polo mal estado do pavimento …”
- O Goberno local anunciou esta fin de semana a apertura do prazo para a presentación de suxestións cidadás sobre a futura ordenanza que regulará a mobilidade nas Zonas de Baixas Emisións (ZBE).
- O anuncio fíxose público hoxe no Boletin Oficial do Provincia e hai un prazo de 15 días hábiles para presentar suxestións que rematará o vindeiro 9 de decembro. Dada a importancia desta intervención dende o PP pediremos que se amplíe o prazo da consulta pública para garantir unha maior participación da veciñanza
- Os populares manifestaron a súa preocupación dado que, unha vez máis, PSOE e BNG “comezan a casa polo tellado” lembrando como a anterior alcaldesa, Lara Méndez, en outubro de 2022 adxudicou un contrato, por un importe de 47.795 euros á empresa de Barcelona Desarrollo Organización y Movilidad S.A., para que deseñase as medidas de mobilidade das ZBE do casco histórico
- “O lóxico sería primeiro, facer a consulta pública, escoitar á veciñanza, e que as súas achegas se incorporasen ao deseño das medidas que regularán as ZBE do casco histórico”
Falta de transparencia (piden achegas pero non se coñece o contido do documento)
- Dende o PP tamén criticamos “a falta de transperencia xa que están pedindo achegas a unha ordenanza cuxo contido ninguén coñece” ademáis “cando pedimos acceso ao informe da consultora negáronse a facilitarnos unha copia”
Paralelismos co programa Corazón Verde
- Ao igual que aconteceu co programa Corazón Verde, o goberno local volve a deseñar e licitar intervencións de gran impacto para a cidade sen antes de escoitar á veciñanza”. Ramón Cabarcos analizaba como afectou á cidadanía e a diferentes colectivos como repartidores, distribuidores e hostalaría estes proxectos.
- Os lucenses deben saber que parte do retraso nas obras do casco histórico obedecen aos modificados dos proxectos que tardaron en aprobarse provocando a ralentización das obras e obedecendo a compromisos adquiridos coas xa obras licitadas e adxudicadas empezando polo final, sen dar participación e sen consenso.
- Tamén detallaba as perdas de facturación na actividade económica, as roturas e reecontruccións os problemas de mobiidade e caídas de cidadáns cuantificando en 6M€ os sobrecustes desta intervención
- O vicevocerio popular tamén subliñou que “a petición destas achegas, cuxo prazo de presentación remata o vindeiro 9 de decembro, coincide con:
Roturas de pavimentos: Hoxe mesmo están a reparar as lousas da Praza de San Fernando (obra xa rematada), cuxo espesor non soporta o tráfico rodado.
Retrasos nas obras: As intervencións vinculadas ao programa acumulan prórrogas e non rematarán ata marzo de 2025. (Praza de Santo Domingo e rúa do teatro)
Modificacións pendentes: A modificación do proxecto de Montevideo segue sen aprobarse, deixando no aire solucións definitivas.
- Dende o Partido Popular seguimos apostando por unha xestión responsable, baseada en prioridades claras, transparencia e unha verdadeira participación cidadá por iso facemos un chamamento á cidadanía e a convidamos a participar activamente neste proceso de consulta, que remata o 9 de decembro. Non podemos permitir que decisións tan importantes se tomen de costas a Lugo.
