MÉRCORES 8 DE NOVEMBRO DE 2023
- O Grupo Municipal do Partido Popular presenta un ROGO a PLENO para que se adopten as medidas precisas para garantir a cobertura das prazas de conserxe “de forma inmediata” nos centros educativos de Lugo nos que falta este persoal dende hai semanas.
- O popular Javier Vázquez explica como nos últimos tempos centros escolares, como o de Rosalía de Castro ou As Gándaras, levan sen conserxe, durante longos períodos de tempo, por falta de cobertura de baixas ou xubilacións o que repercute na cancelación de actividades extraescolares ou mesmo en cuestións de mantemento do día a día.
- Os populares achacan esta situación a falta de previsión por parte do goberno local xa que as xubilacións son casos previsibles e lembran como en maio se asinou o decreto de APROBACIÓN DA BOLSA DE TRABALLO DA CATEGORÍA DE CELADOR/A CEIP que recolle unha relación de 870 demandantes de emprego para esta categoría profesional lamentando que non se esté utilizando para cubrir as baixas.
