Os populares denuncian que a falta de mantemento deste espazo situado ao pé da muralla, e que ten un acceso ao monumento romano, deixa moito que desexar
Os concelleiros do PP fanse eco das queixas dos lucenses sobre a falta de mantemento da Praza do Cantiño, un espazo ao pé da Muralla, inaugurado hai 11 anos, e que ten un acceso ao monumento romano que deixa moito que desexar.
Ante esta situación, o Grupo Municipal Popular presentará un rodo para que se corrixan as deficiencias detectadas, entre as que están:
– Non se substitúen as luminarias fundidas desde hai moito tempo (como as que hai no chan ou as tiras led nos bancos)
– Falta de coidado das árbores. Hai dous arces xaponeses, un dos cales secou hai 2 anos, os veciños pediron que se plantase outro, pero nunca se substituíron
– Non se limpan as pintadas, problemas de sucidade…
Os populares entenden que urxe arrombar este espazo e non entenden como PSOE e BNG presumen de peonalizar rúas gañando espazos para os lucenses cando logo son incapaces de manter o que hai feito. “A Praza do Cantiño é o mellor exemplo de como funciona este goberno que só traballa para a galería uns meses antes das eleccións”, denuncian.
