Os populares afirman que con esta medida “se facilitarían as aconsellables distancias sociais de seguridade xa que os usuarios non se cruzarían porque sempre irían nun único sentido”
O PP propón que para garantir a distancia social, necesaria por mor do covid 19, nos paseos de Lugo con dobre sendeiro ou con dous camiños que discurran paralelos se utilice cada un deles para circular nun sentido.
Desta forma se garantiría que, nesta etapa de desconfinamento, os usuarios destas zonas de esparcemento non se crucen reforzando, deste xeito, as distancias aconsellables de seguridade para garantir a súa protección.
Os populares apuntan que esta medida se podería articular en tramos do Paseo do Miño ou do Paseo do Rato. “O concello de Lugo tan só tería que colocar paneis informativos que determinen o sentido de circulación de cada un dos camiños dos citados paseos sinalando o sentido no que deben circular as persoas que pasean ou os que utilizan os camiños para facer deporte” resumen.
“Máis que cuestión de cartos é cuestión de vontade política” indican polo que “agardan a que esta proposta non caiga en saco roto, como moitas outras iniciativas que o Partido Popular está achegando ao goberno local”.
