O Grupo Municipal do Partido Popular de Lugo denuncia a falta de transparencia e regulación no uso dos locais sociais municipais da zona rural, o que está a xerar desigualdades no acceso a estes espazos. A concelleria popular explica que actualmente non existen criterios claros e públicos sobre o seu uso, cesión ou reserva.
Neste momento o goberno do PSOE e do BNG está a fomentar o clientelismo e a arbitrariedade favorecendo a uns fronte a outros a utilización deste espazo sen criterios obxectivos xa que hai pedáneos ou persoas da confianza do goberno local que si teñen a chave.
Unha ordenanza que regule o uso destes espazos non só evitaría estas prácticas, senón que aseguraría que os locais sociais cumpran a súa función: estar ao servizo de toda a cidadanía, sen favoritismos políticos nin discrecionalidade.
