Os populares explican que tal e como lles trasladaron os veciños da zona “os sucesivos planes urbanísticos que se fixeron non solucionaron o desenvolvemento do barrio, nin tampouco deron saída a súa conexión co centro, nin garantiron a apertura visual da cidade cara ao río”
O Partido Popular presentará a pleno unha iniciativa “para impulsar o desenvolvemento do Plan Especial de Reforma Interior do barrio do Carme”. O vicevoceiro popular Antonio Ameijide explica que “este PERI tiña dous anos de prazo para redactarse, dende a aprobación definitiva do Plan General de Ordenación Municipal que se fixo en 2012. A realidade é que pasaron oito anos sen que o goberno de Lugo fixese nin unha soa xestión para ordenar este enclave tan singular próximo ao casco histórico”.
Os populares afirman que non se pode demorar máis o desenvolvemento desta zona e lamentan que os sucesivos gobernos socialistas e nacionalistas desaproveitasen oportunidades como a que brinda, agora, o Muramiñae. “Non é de recibo que a alcaldesa gaste miles de euros en parches puntuais como colocar unhas barandas ou descontaminar unhas fincas no Carme para quedar ben de cara á galería sen profundizar no verdadeiro problema deste ámbito”. “Se queremos un Lugo de futuro e unha cidade aberta ao río Miño é prioritario dar un pulo ao desenvolvemento desta zona” resumía.
Ameijide detallaba que, a día de hoxe, O Carme presenta unha imaxe deplorable “observamos unha total deixaded por parte do goberno local con nesta zona: a mugre campa as súas anchas, hai edificios deteriorados, deshabitados e con okupas e varias localizacións no barrio onde se celebran botellóns”.
O popular indicaba que diante deste panorama “non podemos seguir de brazos cruzados” xa que estamos a falar de ordenar un ámbito urbano que está a escasos metros da muralla, unha zona que debe garantir a apertura visual da cidade ao río e pola cal discurre o Camiño Primitivo e ondea topamos un importante patrimonio cultural”.
Con esta iniciativa os populares súmanse á petición veciñal que hai nesta zona onde os residentes recoñecen que é como vivir nun “territorio comanche” en alusión ao abandono e a mala imaxe que sufre o barrio dende hai décadas. “Dende o Partido Popular pensamos que esta zona ten un gran potencial xa que posúe todos os bimbios para convertirse nun dos barrios de futuro e mellor conectados de Lugo.
