Os populares afirman que este acto reivindicativo é un reflexo da voz dos cidadáns “que queren que, dunha vez por todas, o bigoberno de Lugo se active e abra esta dotación cultural de última xeración no que a Xunta investiu 25 M€”
Baixo o lema #AbrideoAuditorioXa o Grupo Popular do Concello de Lugo convocou un acto para reivindicar a apertura do novo auditorio de Magoi. Esta acción coincide cos 365 días dende que o bigoberno recibiu da Xunta, o pasado 23 de xuño de 2020, as chaves do edificio.
Os populares insisten en que “os veciños e veciñas de Lugo merecen disfrutar canto antes deste auditorio de última xeración no que a Xunta investiu 25 M€”. O voceiro do PP Ramón Carballo manifestou que “queremos que a alcaldesa e o vicealcalde tracen o camiño para que, canto antes, se poidan utilizar as súas instalacións: tanto as salas interiores como os espazos do seu entorno hoxe invadidos pola maleza”.
Carballo explicou que “os lucenses non queren un lugar desatendido, pechado e olvidado”. O popular indicou que “urxe a súa apertura para brindar oportunidades ao talento das nosas agrupacións culturais, musicais, teatrais que co seu traballo diario reflicten a historia e a idiosincrasia das xentes do noso municipio e provincia.”
A concelleira de cultura do PP, Beatriz Vázquez, foi a encargada de dar lectura a un manifesto no que insistiu en que “se se fai con sentidiño, cunha planificación profesional, sen sesgos nin criterios ideolóxicos, o impacto da posta en marcha desta infraestructura contribuirá á promoción das industrias culturais e creativas galegas e tamén suporá un revulsivo para economía local ademáis de presentarse como un espazo de convivencia e tolerancia onde se promova a diversidade cultural”.
