- Os populares afirman que na organización do San Froilán botaron en falta “máis humildade, máis escoitar ás distintas sensibilidades e lembrarse de que teñen que gobernar para todos e non para uns poucos”
- Os populares queren deixar claro que “este non é o noso San Froilán” lembrando que decidiron abandonar a comisión de festas porque nos negaron a información sobre as contas e non aceptaron as chamadas a unha maior participación para facer unhas festas para todos.
- A mellor proba do pouco éxito da organización das festas patronais da capital da provincia é que a propia concelleira de Cultura fuxiu das fotos e deixou ao seu asesor a tarefa de asumir responsabilidades e indican como “a propia alcaldesa se posicionou para traer concertos de pago, un modelo contrario ao que defende o seu socio de goberno”.
- Dende o Partido Popular creemos que “o San Froilán é un patrimonio inmaterial que sobrevivirá a todos os atrancos do goberno local, así como á súa mala xestión e pouca previsión”
