Para o voceiro popular Jaime Castiñeira é inxustificable que, diante desta situación, o Concello “faga a vista gorda” lembrando que non é a primeira vez que ocurre un caso semellante en alusión aos 4 anos que estivo sen legalizar a instalación eléctrica do edificio administrativo da Ronda da Muralla
O Grupo Popular sospeita que a instalación eléctrica do edificio da Plaza de Abastos podería ser ilegal. O voceiro popular Jaime Castiñeira fixo estas declaracións logo de que na Comisión Especial de Contas o goberno local “fose incapaz de responder ás preguntas sobre a situación da instalación eléctrica deste edificio, ainda en obras, malia que a estas alturas tería que estar xa reformada na súa totalidade.
Neste momento “a planta baixa da Praza de Abastos está desmantelada con cables e contadores á vista, nunha situación de abandono dende o ano 2015” matizou Castiñeira. O voceiro dos populares considera “unha tomadura de pelo” a xustificación do goberno local sobre os motivos polos que está parada esta obra xa que continúan insistindo en que “non teñen persoal, dende hai dous anos, para informar o proxecto técnico desta instalación”. Castiñeira criticou con dureza que utilicen esta excusa sobre todo tendo en conta que foron os socialistas os que “deliberadamente” desmantelaron o servicio electromecánico.
“Dende hai máis dun ano que no Concello de Lugo non hai un técnico que asuma este traballo xa que o falecemento dun deles e a xubilación posterior doutro deixou sen efectivos ao servizo. Neste momento está en fase de oposición a cobertura desta praza o que na práctica significa “que non hai data para dispor de persoal cualificado para informar este tipo de proxectos”. “A falta de previsión e a parálise deste goberno ten consecuencias tan graves como a que estamos a vivir con esta reforma” concluiu Castiñeira.
O voceiro dos populares manifestou que “esta non é a primeira vez que o Grupo Popular denuncia unha ilegalidade similar”. Jaime Castiñeira explicou que, en maio de 2014, denunciamos que “a reforma que se fixo no edificio administrativo da Ronda da Muralla tivo, durante 4 anos, a instalación eléctrica ilegal”. De feito como se incorporaron novos elementos que precisaban dunha maior potencia, como, entre outros, a cortina de aire do acceso principal ou o elevador se estaba penalizando ao Concello por consumir máis potencia que a que tiña contratada” lembrou o popular.
Urban
O Grupo Popular presentou o pasado día 10 de marzo un escrito solicitando que se detallase de fora pormenorizada o custe total das diferentes obras financiadas dentro do programa do Urban. Castiñeira criticou que “na Comisión Especial de Contas non fosen capaces de concretar importes”
