O voceiro do Grupo Popular Jaime Castiñeira “en aras a salvagardar a igualdade de oportunidades dos parados lucenses, así como a imaxe do Concello de Lugo” preguntará en comisión como se está xestionando este programa, en que fase está e cando e como se fará a selección para cubrir os postos que se oferten
O voceiro do Gmpp agarda que o futuro plan de emprego municipal, para o que está consignada unha partida de 1,1M€ para este 2016, non repita o esquema do Ben Empregado da Diputación.
O popular fixo esta reflexión tras coñecer que “se podería estar proporcionando información privilexiada para que persoas afíns ao PSOE e aos seus socios no Concello accedan ás prazas que se van sacar coincidindo con este programa”. O voceiro do PP explicou que “ao parecer se están dando instruccións a algúns amigos do goberno local para que cando se apunten na oficina de emprego o fagan cuns códigos específicos que corresponden coas prazas que se ofertarán no plan de emprego”.
Para Castiñeira este tipo de prácticas “son un fraude para os veciños” e fomentan “que haxa parados de primeira e parados de segunda”. O popular agarda que “en aras á transparencia” se dean canto antes explicacións de cómo se está xestionando este programa de emprego municipal e “deste xeito salvagardar a igualdade de oportunidades para os parados lucenses así como a da imaxe da institución municipal”.
Jaime Castiñeira anunciou que “para clarificar si se favorece o acceso a estas plazas a cambio de obter réditos electorais” presentará unha batería de preguntas en Comisión. Entre outros aspectos os populares queren saber os prazos que se barallan para a posta en funcionamento do plan de emprego, número de prazas que se van a ofertar, como e quen vai a realizar a criba das vacantes e información sobre as bases que rexirá a citada oferta de emprego municipal.
