O Partido Popular recrimina ao PSOE a posta en escena desta mañá para reinvindicar a rehabilitación do cuartel de San Fernando reclamando fondos á Xunta cando foi o goberno local quen desistiu de acadar estas axudas da Unión Europea
A Xunta mantén o seu compromiso de poñer o diñeiro “sempre e cando o concello consolide o plan previsto e consega o financiamento necesario”.
Hai que lembrar como en 2022 acadouse un consenso de que a administración autonómica colaboraría no Plan Director e na musealización, quedando á espera da cantidade final que se obtería de fondos europeos
A realidade é que o goberno local é quen incumpre o pactado coa Xunta “desistindo expresamente de su solicitud unha vez presentada tal e como recoñeceu no pleno ordinario de outubro a edil Ana Abelleira a preguntas do Grupo Municipal” .
Os populares tamén aproveitaron para pedir a Lara Méndez algo de autocrítica xa que cando foi alcaldesa renunciou aos fondos do cuartel de San Fernando cando houbera sido moito máis útil xestionar este financiamento para o recuperar o cuartel que conseguir fondos para infraestruturas como as Caldas, carril bici , e o Edificio Impulso Verde que so lles serven para a súa propaganda.
* Por último reprochan que o PSOE reclame á Xunta que se faga cargo dun edificio municipal, tras dúas décadas de inacción de gobernos socialistas e nacionalistas, esgrimindo a responsabilidade autonómica sobre o patrimonio, cando é unha obriga da que por lei ten que responsabilizarse o propietario do inmoble, é decir, o Concello.
CRONOLOXÍA CUARTEL DE SAN FERNANDO
* Nos anos 90 o alcalde popular PP Joaquín García Díez logra conveniar co Ministerio de Defensa a cesión do cuartel para o novo auditorio de Lugo.
* Os bipartitos de Concello e Xunta (PSOE e BNG) paralizaron o proxecto e logo o descartan e cambian por un Museo da Romanización desentendéndose do novo auditorio, que finalmente levou a cabo a Xunta ainda que segue pechado a día de hoxe pola nula xestión municipais
* O 3 de marzo de 2020 a anterior alcaldesa, Lara Méndez, comprometeuse a facer o Museo da Romanización “sí o sí” incluso con fondos propios. Catro anos despois o único cambio é que fuxiu do seu compromiso dimitindo do seu cargo.
