Coincidindo coa publicación hoxe no Boletín Oficial da Provincia da aprobación definitiva do 5% que quedaba pendente do Plan Xeral de Lugo e que afecta a 67 ámbitos, en 43 parroquias, e en 7 espazos urbanos o PP anuncia unha campaña explicativa aos potenciais implicados.
Hai que lembrar como o Partido Popular, no seu día, desenvolveu unha intensa actividade divulgativa para dar conta á cidadanía dunha cuestión tan complexa como o Urbanismo, e este espíritu de traballo en positivo e construtivo tamén o fará coa aprobación do 5% pendente de aprobar.
O Grupo Municipal do PP programa 14 encontros abertos para a veciñanza co obxecto de detallar cómo queda definitivamente o planeamento na súa zona e contestar as dúbidas da cidadanía
A próxima semana terán lugar SETE XUNTANZAS centradas e dar información sobre os ámbitos da zona rural e se desenvolverán entre o mércores día 15 de novembro ata o sábado 18 de novembro nos locais sociais de Saa, Meilán, Orbazai, Castro, Esperante, Romeán e Teixeiro.
A seguinte semana o Grupo Popular estará nos entornos próximos a espazos urbanos como son Ceao, Ramil, A Campiña, zona de Alto, Galegos, Ronda Norte e San Lázaro
AGRADECEMENTO Á XUNTA
Os populares quixeron tamén agradecer á Xunta de Galicia a súa implicación á hora de desbloquear a situación do 5% do PXOM xa que “grazas á postura dialogante da administración autonómica na que en todo momento antepuxo os intereses dos cidadáns por encima doutros partidistas hoxe a aprobación definitiva do documento urbanístico máis importante de Lugo é unha realidade.
