- O PP solicita á alcaldesa que convoque de forma inmediata unha xuntanza coa empresa redactora do Plan Xeral, e un encontro coa CHMS que depende do goberno central do PSOE xa que “o tempo apremia para inscribir o documento no Rexistro, e que ten uns prazos que cumprir”
- “É preciso coñecer de primeira man as incorrecións que imposibilitan a aprobación por parte da CHMS, é fundamental avanzar neste eido para reducir os tempos e aforrar recursos tan necesarios para outras actuacións e esto require diálogo e iniciativa política dun goberno local novamente sobrepasado pola realidade”.
- O concelleiro popular Antonio Ameijide aclaraba que “nos consta, porque así o fixo público onte a Xunta, a boa vontade da administración autonómica para desbloquear este documento”
5 ANOS E SE REPITEN OS MESMOS ERROS
- O informe que no ano 2019 emitiu a Confederación Hidrográfica do Miño Sil recolle practicamente o mesmo que o que dictaminou agora, cinco anos despois, volvendo a reclamar ao goberno local que solvente os erros da documentación do Plan xeral “nin se fixo un refundido para poder traballar sobre el, nin se corrixiron os erros o que podería conlevar unha inseguridade xurídica”
- Por outra parte, hai que lembrar que a Xunta no informe previo á aprobación do ano 2020 explica claramente o que ten que facer o concello de Lugo e, expresamente, menciona que se deben solventar as correccións que ordenaba a CHMS en 2019.
- Finalmente “por responsabilidade e confianza” votamos a favor do 5% do Plan Xeral á vista de que o BNG se puxo de perfil sen dar solucións a un asunto que é vital para o desenvolvemento económico do municipio
- Agora, CINCO ANOS DESPOIS DO INFORME DA CHMS DO ANO 2019, no momento que se procede a inscribir no Rexistro o 5% do PXOM , en aras a seguridade xurídica, a Xunta pregunta á CHMS si da por cumplido o citado informe e a Confederación reitera o que dixo no ano 2019: seguen sen solventar as mesmas cuestións.
- “Nin fixeron as correcións do Plan Xeral cando procedía, nin semellan ter interese en impulsalo agora. A situación que vivimos é consecuencia da falta de traballo e da improvisación do PSOE e o do desinterese do BNG sobre un asunto que nin figuraba no pacto de goberno”
PRIORIZAR NA AXENDA DO GOBERNO
- O PP lamenta que unha cuestión que debía ser prioritaria para o goberno local quede relegada a un segundo plano lembrando que o grupo municipal propuxo, o pasado 17, unha reunión urxente entre goberno local e CHMS para analizar e solucionar as deficiencias detectadas na documentación e tamén pedimos, o día 21, unha xunta de voceiros para abordar esta cuestión sen ter ningún retorno.
- Sorprende que para a alcaldesa de Lugo este non sexa un asunto destacado na súa axenda a pesar das consecuencias económicas e de indefensión e inseguridade xurídica que ten para a veciñanza que queira emprender un proxecto de vida ou un negocio na zona afectada e que, tal e como está o documento sen aprobar, non pode conseguir unha licenza de obra
