O PP da á benvida a Silvia Alonso “con deberes para que Lugo non quede atrás na loita contra a violencia de xénero” e lle lembra que “o noso Concello é o único das sete grandes cidades que non está adherido ao Vioxén e que, xunto con Vigo, son as dous únicas grandes cidades de Galicia que tamén están fóra da Rede Galega”
O Partido Popular pón como deberes á nova concelleira de muller e igualdade Silvia Alonso “a tramitación urxente da adhesión á Rede Galega contra a Violencia de Xénero e ao Vioxén”.
A concelleira popular Macamen López Silva confía en que Silvia Alonso sexa “sensible” e escoite esta petición do Grupo Popular e lle recorda que “das sete grandes cidades de Galicia só Lugo e Vigo non están adheridas á Rede Galega contra a Violencia de Xénero”. “Na nosa provincia o 63% dos municipios traballan coordinandos nesta Rede Galega” indicaba a edil do PP “sorprendida porque dende o goberno de Lugo non se preste ningún interese en sumarse a este mecanismo”.
“Algo similar ocorre co VioXén xa que “Lugo, segue a ser, a única das grandes cidades galegas que está fóra deste programa”. “Esperemos que a nova concelleira rompa co inmobilismo que houbo nestos anos con este tema”, matizaba López Silva.
Para os populares “é inexplicable que o noso concello non se sumase a estes mecanismos e que quedemos atrás á hora de mellorar a coordinación na loita contra esta lacra social”. “Estamos falando de ferramentas que deberían estar funcionando a pleno rendemento pero que, inexplicablemente, no Concello de Lugo están desaparecidos”.
A concelleira popular pídelle a Silvia Alonso que “reciba con cariño esta petición do Grupo Popular” aclarando que confiamos en que “poña empeño e esforzo para reactivar estas dúas ferramentea municipais para a loita coordinada contra a violencia de xénero”.
