- A aplicación do bando municipal, que non ten en conta as singularidades das rúas peonís, está a provocar incertidume entre os hostaleiros da nosa cidade.
- Dende o PP sinalan que “un sector económico tan importante non pode estar a expensas de interpretacións” que provocan a destrución de emprego.
Sábado, 20 de xullo de 2024.
Os populares denuncian que “estanse a tomar decisións sen ningún criterio afectando a terrazas no centro de Lugo que poderíanse manter ou reubicar en zonas peonís, garantindo así o mantemento de emprego e a supervivencia de locais de hostalería”. A xestión dos espazos debe facerse con equilibrio e acerto, de maneira que se poida convivir e xerar dinamismo económico.
A falta de claridade provoca interpretacións do bando distintas, correndo o risco de xerar desigualdades. “Algúns hosteleiros trasladáronnos que a mesma situación provoca ordes contraditorias ata o punto de dar unha instrución á mañá e pola tarde a contraria” sinalan dende o grupo municipal.
Una cidade como Lugo que ten 3 patrimonios da Humanidade e que o seu casco histórico aspira a ser tamén Patrimonio da Humanidade merece poder ofrecer tanto aos veciños como ás persoas que visitan a cidade un servizo hostaleiro á altura que permita disfrutar tamén dos espazos peonís.
O concelleiro Antonio Ameijide reclama á alcaldesa “un bando aclaratorio para dar certezas e certidume á hostalería lucense” matizando que “non podemos xogar coa subxectividade de quen informa nas terrazas cun bando que é totalmente inconcreto”
A falta de regulación por parte do goberno perxudica a un sector que xa sufriu en primeira persoa perdas económicas na época da pandemia e que agora ven como boa parte do investimento que fixeron no mobiliario, toldos ou cortaventos para as terrazas pode perderse.
Dende o PP advirten que esta situación daña a imaxe da cidade “a retirada de terrazas do casco histórico en plena campaña de verán que é cando a xente disfruta das rúas e dos espazos ao aire libre restan vida ao centro”.
Son moitos os compromisos incumpridos polo goberno de maneira reiterada e manténdose de maneira inaceptable durante moito tempo. Os populares recordan “as cantidades que lles prometeron devolver e que non o fixeron ou a prometida ordenanza da que levan dicindo que hai un borrador pero que non avanza son algúns exemplos”.
