Para dar resposta á carencia de falta de espazos para adestramentos e competicións, o concelleiro popular Javier Vázquez tamén considera urxente mellorar o mantemento das infraestruturas deportivas municipais como, por exemplo, o campo de futbol de Sánfiz que onte estaba impracticable .
O PP fixo un chamamento á acción inmediata e á planificación a longo prazo. “Non podemos seguir con parches e promesas. Lugo necesita infraestruturas deportivas dignas, e necesítaas xa. É hora de asumir responsabilidades e traballar xuntos polo futuro do deporte na nosa cidade”.
O PP insta a PSOE e BNG a que rectifiquen e acepten a proposición que xa expuxeran en 2023 para paliar a insuficiencia de infraestruturas deportivas, subliñando que “o goberno segue fallando unha e outra vez. As instalacións deportivas non son suficientes, os proxectos prometidos están paralizados e a falta de previsión xera un auténtico caos para os clubes e deportistas. Hoxe volvemos insistir: isto ten que cambiar xa”, afirmou Javier Vázquez.
A proposición que se debaterá non vindeiro pleno inclúe medidas concretas e retoma o acordo marco asinado entre a Consellería de Cultura, Educación e Universidade e a FEGAMP, que podería aliviar a presión sobre as instalacións municipais. “Este acordo foi rexeitado no seu momento por argumentos teóricos, pero a práctica demostrou que fose unha ferramenta útil para evitar o descontrol actual”, engadiu.
O PP destacou exemplos concretos que reflicten esta mala xestión, como o atraso do pavillón polideportivo da Garaballa, prometido en 2021 e aínda sen avances significativos, cun orzamento que subiu de 3 a 5 millóns de euros.
Tamén denunciaron o caso do campo de fútbol do Polvorín, onde as obras de renovación do céspede iniciáronse en plena tempada, forzando solucións improvisadas como trasladar aos clubs a campos en mal estado ou saturados.
Reiteramos a nosa disposición ao diálogo e á colaboración. “Aínda que a xestión do goberno foi deficiente, a nosa prioridade son os veciños e o deporte desta cidade. Hoxe volvemos tender a man para buscar solucións reais e consensuadas. Pero esiximos responsabilidade e vontade política para saír desta situación”, subliñou o portavoz.
