O voceiro municipal do Grupo Popular Antonio Ameijide anunciou que elevarán unha iniciativa ao pleno de xaneiro para “que se suspenda e anule o acordo aprobado por socialistas, Lugonovo e Cidadáns en xuño de 2016 polo que se creaba este órgano”
O voceiro do Grupo Popular Antonio Ameijide anunciou que no pleno ordinario de xaneiro pedirá a supresión da Dirección Xeral de Recursos Humanos creado en xuño de 2016. O popular explicou que o seu grupo adopta esta decisión logo de escoitar hoxe as explicacións da funcionaria con respecto ao cumprimento dos obxectivos inherentes ao seu cargo.
“Hoxe se ratifican as nosas sospeitas e vimos de confirmar o que nos temíamos, que a Dirección Xeral de Recursos Humanos foi un posto político que se creou para designalo a dedo, e que o único que supón é unha duplicidade de funcións porque se lle enconmendan cuestións que son competencia da Xefatura de persoal” puntualizou Ameijide.
O voceiro popular explicou que “a Dirección Xeral de Recursos Humanos nos leva custado xa case 103.000 € sen xustificar realmente a súa necesidade”. Ameijide aclarou que na comparecencia da comisión de desenvolvemento, que hoxe forzamos, quedou en evidencia que “se incumpriron os obxectivos fixados”.
O popular lembrou como no pleno do pasado 30 de xuño, onde se creou este cargo, tamén se fixaron as súas funcións “marcáronlle once puntos para impulsar e, ano e medio despois, só cumpriu a medias un olvidándose do 95% das súas compentencias. “Non podemos seguir pagando e mantendo un posto político directivo que incumpre sistemáticamente co seu traballo” matizando que tendo en conta que “o persoal directivo está suxeito a avaliación con arreglo aos criterios de eficiencia e eficacia e que o control de resultados deste cargo é un fiasco pediremos a súa supresión”.
Os populares recalcan que non hai avances na RPT, nin nas ofertas de emprego público, nin na provisión de postos de traballo mediante convocatoria de concursos, nin a creación dun portal do empregado público, nin na actualización dos regulamentos e convenios en materia de persoal e nin tan sequera no control e coordinación das productividades e gratificacións.
Na proposición que se elevará a pleno os populares reclamarán, ademáis da supresión deste cargo, a suspensión e a anulación do acordo ratificado polos concelleiros socialistas, os de Lugonovo e Cidadáns que teña efectos dende que se dicta, é dicir, que sexa de aplicación inmediata. Antonio Ameijide subliñou que “este posto foi creado como panacea para desbloquear os principais asuntos de persoal que hai no Concello e, finalmente, para o único que serviu foi para avivar a maior confrontación laboral vivida nesta administración local”.
O popular lembrou que a persoa que ocupa este posto directivo era a antiga asesora xurídica do Concello cuxa designación motivou a imputación da alcaldesa por malversación de fondos. Hai que recordar que Lara Méndez retrasou o seu cese como letrada asesora cando había unha sentenza do TSXG que lle ordenaba que fose antes de maio de 2016 e ela non o ordenou ata xullo do mesmo ano”.
