O Grupo Municipal do Partido Popular acadou a aprobación da proposta relativa á creación dun catálogo de comercios emblemáticos do casco histórico de Lugo, cos votos a favor de BNG e ACE-Eu, moción que únicamente votou en contra o PSOE, o que demostra que o equipo de Lara Méndez elude, novamente, as competencias propias dun goberno municipal.
No casco histórico están pechando numerosos negocios, algúns destes comercios son emblemáticos pola súa historia polo que é preciso adoptar medidas dirixidas a protexer a súa singularidade pola actividade que desempeñaban ou polos elementos patrimoniais existentes nos mesmos, nese senso dende o Grupo Municipal Popular entendemos que sería positivo elaborar un Catálogo de Comercios Emblemáticos no que se clasifiquen os comercios segundo as súas características, establecendo o grao de protección do espazo que ocupan, coa finalidade non soamente de preservar a súa estética, senón tamén para dar continuidade a súa actividade.
O PEPRI contempla a protección de elementos exteriores das fachadas, onde están instalados algúns dos comercios máis emblemáticos que existen na cidade, pero non figura, na maioría das fichas, a necesidade de conservar elementos interiores en caso de peche do negocio. De igual forma, sería interesante manter elementos dos negocios como son o mostrador, andeis ou o instrumental.
Estes comercios ou negocios emblemáticos que estarían incluídos no catálogo, poderían actuar como un reclamo turístico como está a suceder noutras cidades de xeografía española así como a nivel internacional.
Por todo elo, o Grupo Municipal Popular que subscribe considera de interese municipal que o Pleno da Corporación Municipal ACORDE, instar ao Goberno Municipal a:
Elaborar un Catálogo de Comercios Emblemáticos do Casco Histórico que teña por obxecto a protección e posta en valor do comercio tradicional.
