O BNG non ten claras as suas prioridades e acaba incumprindo os seus compromisos
• Para o concelleiro do grupo municipal popular, Javier Vázquez, o anuncio de que os itinerarios escolares seguros está a retrasarse este curso por falta de diñeiro é un intento de xustificar perante a cidadanía o expolio fiscal que veñen de aprobar Alvarellos e Arroxo no concello e o que están a preparar para o próximo ano.
• O Bloque fixo unha aposta mediática para presentar unha iniciativa coma a dos itinerarios escolares seguros que non se corresponde co servizo que efectivamente prestou, do mesmo xeito que fai coa Escola de Música, que segue a estar publicitada aínda que non empezou as clases (nin semella posible que podan empezar).
• Que existan zonas da cidade literalmente empapeladas con propaganda sobor destes supostos servizos, pero non estén a funcionar tras dous meses de curso indica cal é a prioridade do Bloque á hora de xestionar os recursos públicos na concellería de Educación.
• Que Rubén Arroxo entregue o mando da consellería de Educación á que se encarga de xeito tan discutido e discutible da área de Cultura, que tamén inviste máis en propaganda ca en traballo, reflicte que o bipartito segue a considerar máis importante a sua propaganda que a xestión eficiente dos recursos públicos ao seu alcance, que no caso da concellería de educación son maiores ca o orzamento da maioría dos concellos da provincia.
• Que o parque infantil López Mella sega a deteriorarse pola incapacidade do Bloque de cubrir a praza do encargado que se xubilou en 2022, que a Escola de Música non funcione e que os itinerarios seguros dos que tanto se falou non estén en servizo non denota falta de cartos, senon incapacidade de xestión.
